ملك المصريـــة

فتاة عادية عاشت وستعيش لتحب الحياة لا تخشى الا الله وفى نفس الوقت ضعيفة جدا امام من يهواه قلبها لدى احلام ككل البنات ان تحب وتَحب وتكون لها مملكتها وتكون ملكة عليهاوباقى افراد المملكة هن احب الناس الى قلبها الكبير

My Photo
Name:
Location: Cairo, Egypt

انسانة بسيطة وعادية جدا تهوى الفترات التى يتزامن فبها ان تكون فى قمة الرومانسية

Friday, February 16, 2007

ولفت الايام وجالى التاج


ولفت الايام وجالى التاج
يارب انت الستار

والله انا كنت مقلقة جدا من الاسئلة دى

ولكنى استجمعت شجاعتى وقلت لازم الاصدقاء المدونين يعرفونى

زىما انا عرفتهم وخصوصا لما لقيت التاج جالى من اكتر من صديق

واولهم كانت
الغاليةهبة
hebaz
mansourawy

chaos


ونبتدي على بركة الله


اية اللي حيحصل لايميلك لما تموت؟
والله معرفش انا هكون ساعتها ان شاء الله فى الجنة
فيتهيائلى انى مش هفكر فى الحاجات دى
.لكن انا بوصيكم وصية
انكم تدعولى كل ما تفتكرونى بالرحمة

اديت الباس وورد لحد قبل كده؟
! اه طبعا ..ومش هقولكم مين

لو اه كانت طبيعة علاقتك بيه
.قلت مش هقول لكن اكيد قريب هتعرفكم مين هو


اسمك؟
مَلَك

اسم الدلع المشهور وسط اصحابك؟
والله كتير ممكن ميمي ومَلا َكي وساعات ملوكة

عمرك؟
سر بس ساعات بحس انوا عندي 10 سنوات وساعات20
ودا كتير واحيانا 200 سنة

.برجك؟
السرطان

مجال دراستك؟
حقوق عين شمس

شخصيتك نوعه ايه؟
متمردة
عنيدة لابعد الحدود
طيبة لدرجة الهبل
عاطفية جدا
اعشق الحب

السفر بالنسبة لك؟
والله انا بعشق الترحال
وبحس انى لولم اسافر على الاقل كل شهرين
او ثلاثة يوميين احس انى بتخنق

المود بتاعك؟
عصبية جدا جدا فى بعض الاحيان
ولكن الغالب ظريفة جدا وبقولوا عشرتى حلوة


وقت فراغك بتعمل فيه ايه؟
بصراحة بنام انا عندى استعداد انام ثلاث ايام متصلة

الاكلة المفضلة؟
الإندومي والسي فود

الصفات اللي خدتها من بابا؟
والله الكرم بعبط والعصبية لاتفه الاسباب

الصفات اللي خدتها من ماما؟
والله حاجات كتير جدا اولها انى اشبها جدا
وحتى صوتها والحنية المفرطة والرومانسية
وحب الناس زى مابيقولوا عشرية جدا وبنت بلد
الله يرحمها ويسكنها فسيح جناته

اكتر 6 حاجات بتكرهها؟
الغدر
القسوة
قلة الاصل
قلة الادب
القلب الاسود
الغباوة

اكتر 6 حاجات بتحبها؟
النوم
الاكل اللذيذ
الشعر والادب
الامومة
الاستقرار

الشغل بالنسة لك؟
والله انا بحب الشغل جدا بس يتهيائلى
انه مش قد كدة فى مصر

ايه الكمبيوتر والانترنت بالنسبة لك؟
نافذة على العالم
صداقات متحضرة

الخمس حاجات اللي ماحدش يعرفها عنى هى
اللى جوايا ساعة غصبى
الانسان اللى بحبه
الامل اللى عايشة علية
الامنية اللى اتمنى انها تتحقق
وغدا اللى معرفوش انا حتى

تحب تمرر التاج لمين بعدك؟
.العَبدِالرَحَمن
فقط
انا والله انا مش همرروا
انا هلزمه إنه يعرفنا عليه اكتر
يعني قدرة وإغتطاب
(على راي( اللمبي

70 Comments:

Blogger chaos said...

هيه هيه أنا أول واح أعلق لا لا لالااااااااااااااااا
ها ملوكه
اولاً سعدت جداً بتعليقك عندي
ثانيا ارحمي نفسك من كتر النوم ده كل سطرين نوم نوم كفايه نوم و قومي اكتبي لنا شوية بوستات
ثالثا لازم تحبي شوية اناع اكل تاني انتي بقيتي خاسه اوي اليومين دول
رابعاً التاج بتاعك رجاباته صغيره اوي و اعتقد ان البلوجرز اصحابك اللي زيي نفسهم يعرفا اكتر شويه عن شخصيتك الغامضة التي تُتحفنا بهذه البوستات الممتعة
عموماً كل تاج و انتي طيبة و خليني اشوفك عندي قريب بايً

February 16, 2007 at 11:28 PM  
Blogger hebaz said...

ملوكة الجميلة
أشكرك على الإستجابة لمطالب الشعب البلوجرى و أنك قررتى تخوضى تجربة التاج :)
شفتى زى شكة الدبوس بالضبط
بس أية دة كان قلبى حاسس برج السرطان برضة واللهى أحسن ناس:)
علشان كدة حنينة و عاطفية و طيبة :)
تحياااااتى

February 17, 2007 at 4:17 AM  
Blogger micheal said...

كنت مستني فيروس التاج لغاية ما يوصلك عشان نقدر نتعرف اكتر علي ملوكة صاحبة الكلمات الرقيقة
تحياتي

February 17, 2007 at 5:02 AM  
Blogger SomeOne said...

على قد ما التاج ده فيرس انتشر بطريقة غبية في المدونات

بس قد ايه هو جميل عشان بيخلينا نتعرف ع الناس اكتر

February 17, 2007 at 7:20 AM  
Blogger ibn nasser - ابن ناصر said...

التاج ده بقي في كل حته بينتشر زي السرطان في المدونات وسعدنا باجاباتك اللطيفه والله

February 18, 2007 at 3:30 AM  
Blogger .:.-=- ELGaZaLy-=-.:. said...

اجابتك بتدل على نفس راضية ربنا يكملك بايمانك لانة جميل بجد

February 18, 2007 at 4:34 AM  
Blogger Tamer Nabil Moussa said...

كل تاج وانتى طيبة

ربنا يوفقك ويكرمك عزيزتى ملك

تحياتى

February 18, 2007 at 7:14 AM  
Blogger tota said...

ملك
اخيرا على كرسى الاعتراف يا استاذة
بدون اى تعذيب كانت الاجابات بسيطة و جميلة
وفى شوية غموض بسيط لكن قربنا منك شوية وعرفنا ملك الانسانة التى سبق وعرفناها مدونة
تحياتى

February 18, 2007 at 2:43 PM  
Blogger -_- said...

يعنى انتى في حقوق يا ملك و عايزة عبد الرحمن يجاوب غصب و اقتدار

هههههه

February 18, 2007 at 10:28 PM  
Blogger الزعيـمة said...

جميييييل ملوكه
سعدت بالتعرف عليكي اكتر
ربنا يوفقك وتحققي التتمنية
وتلاقي الوظيفة فى مجال اختصاصك

ارق تحياتي لك

February 18, 2007 at 10:49 PM  
Anonymous Anonymous said...

أنا بقة حابة احييك على شخصيتك الراضية وبقول أن فيها كتير منى وصحيح هى اول زيارة لك بس لمستك جدا وياريت تقبلى صداقتى ومبروك التاج

February 19, 2007 at 5:06 AM  
Blogger houty said...

معلش انا هدبس فى تاج جديد تقدرى تاخدى اسئلته من عندى
وهتلاقى اسمك الجميل منور مدونتى اعذرنى ان ديه تكون بداية التعارف بينا

February 19, 2007 at 11:37 AM  
Blogger أخف دم said...

من زمان وانا عايز أقول لك صورة البلوج روعة وكل مرة بانسى.. أول ماشفتها فى وسط البوست قلت الحق ياواد .. يا ست ملك الصورة بتاعة البلوج جااااامدة جدا..
والتاج جميل رغم انك مقلتيش حاجة اساسا عن نفسك يعنى حتى الخمس حاجات مقلتيش عنهم حاجة ..
عايزين صراحة أكتر.

February 19, 2007 at 7:15 PM  
Blogger Malk Almasria said...

chaosالاخ
انا كمان فرحت لما لقيتك معلق اول واحد واوعدك انى هحاول ابطل نوم واكل اكتر وعلى العموم اللى انت عاوزه هيحصل تابع البوست وهتلاقى باقى الاسئلة انا بعيد عنك جالى تاج تانى وعاوزة اشوفك قريب


تحياتى

ملك المصرية

February 20, 2007 at 5:41 PM  
Blogger Malk Almasria said...

hebazالغالية

والله انا كنت فاكرة ان خلاص الحمد للهنجيت من التاج ولكن ربنا وعدنى بتاج تانى وعلى فكرة انا اللى فرحت جدا انى من نفس البرج السرطان لانك نفس البرج


تحياتى ملك المصرية

February 20, 2007 at 5:43 PM  
Blogger Malk Almasria said...

micheal الاخ

والله انا ربنا تقريبا كتب عليه ان الفيروس دة يمر عليه تانى ويارب تعرفونى اكتر


تحياتى

ملك المصرية

February 20, 2007 at 5:45 PM  
Blogger Malk Almasria said...

الاخ شادي فايد
والله عندك حق فعلا احنا من التاج دةبنعرف بعض اكثر وعن قرب


تحياتى


ملك المصرية

February 20, 2007 at 5:46 PM  
Blogger Malk Almasria said...

ibn nasser- الصديق ابن ناصر

والله انا اللى اسعدتنى زيارتك اكتر


تحياتى

ملك المصرية

February 20, 2007 at 5:48 PM  
Blogger Malk Almasria said...

.:.-=- ELGaZaLy-=-.:.الصديق

ومين مع كل النعم الالهية دى ميكونش فى قمة الرضا الحمد الله كثيرا


تحياتى


ملك المصرية

February 20, 2007 at 5:49 PM  
Blogger Malk Almasria said...

tamerالغالى
والله انت اللى منور الدنيا كلها وربنا يوفقك يا تمور ويكرمك يارب


ملك المصرية

February 20, 2007 at 5:51 PM  
Blogger Malk Almasria said...

totaالغالية

والله التعذيب كله يهون لما يكون علشان اجمل مدونيين فى الدنيا


تحياتى

ملك المصرية

February 20, 2007 at 5:53 PM  
Blogger Malk Almasria said...

Sharmالصديق
شفت بقة التناقض هو دة الطبع السايد للمصريين الصعايدة

تحياتى
ملك المصرية

February 20, 2007 at 5:54 PM  
Blogger Malk Almasria said...

الحبيبة الزعيـمة

والله انا اللى بتسعدنى زياراتك وغالية اوى عندى دعواتك


تحياتى


ملك المصرية

February 20, 2007 at 5:56 PM  
Blogger Malk Almasria said...

rony الاخت


والله اهلا بيكى ونورتينى وانا ليه الشرف ان فيه صفات منكى وليه الشرف اكتر انك تعتبرينى صديقتك


تحياتى

ملك المصرية

February 20, 2007 at 5:58 PM  
Blogger Malk Almasria said...

houtyالاخت
والله انتى فعلا خلتينى مش عارفة اقول اية ولكن حاضر هاجى اخد الاسئلة من عندك واهلا بيك صديق دائمة بأذن الله


تحياتى

ملك المصرية

February 20, 2007 at 6:00 PM  
Blogger Malk Almasria said...

الغالى أخف دم

والله الصورة والمدونة كلها تحت امرك بس انتا تأشر وعلى العموم فى تاج تانى جالى ويمكن اكون عرفتكم بيه اكتر


تحياتى

ملك المصرية

February 20, 2007 at 6:02 PM  
Blogger Ahmed EIssa said...

العادي بتاعي ياملك..دايما متأخر

بس ده ميمنعش ان اجاباتك علي التاج ده معبرة جدا عن ضخصيتك..لذيذة وصريحة

حلاوة التاج في ان احنا بنعرف بعض اكتر

تحياتي

February 22, 2007 at 1:53 AM  
Blogger الحقيقة غايتنا said...

00لا اعرف ولكن اشعر ان الو والظروف المحيطة ل تحتاج هذا الكم منالرمانسية ولكن الاحساس المرهف يء جميل ولكن الجدية والعمل القوي ما نحتاجة في فترة تضيع فيها كل القيم اسف علي حدتي ولكنها الحقيقة

February 22, 2007 at 4:48 PM  
Blogger ~ Bato0ot ~ said...

kalamek gamil by2ol enek shakhsya zay el 3asal
w borg el sartan da .. a3raf mno malayeen el bashar
w el nom da 3omla nadra ..salfini shwya plzzzzzzzzz

February 23, 2007 at 3:42 PM  
Blogger Mohamed Al-Ashry said...

..
تلقائية وبسيطة كعادتك يا ملك
..
أحييك

February 24, 2007 at 8:49 AM  
Blogger hebaz said...

eih ya malouka feenik?
yalla waiting for a new post:)

February 24, 2007 at 1:01 PM  
Blogger يا مراكبي said...

بما إنك نجحتي في التاج ده .. فأنا بأقترح عليكي إنك تخوضي التجربة الأصعب وتجاوبي على التاج اللي إنتي علقتي عليه عندي

المفروض إنك محامية وتعرفي تدافعي عن نفسك كويس .. مش كده؟

February 25, 2007 at 5:49 AM  
Blogger Malk Almasria said...

الاخ أحمد عيسي
واله انت منور المدونة سواء بدرى او متأخر


ملك

February 25, 2007 at 7:59 AM  
Blogger Malk Almasria said...

الصديق اين هي الحقيقة

وهل تصبح الحياة حياة بدون الرومانسية


ملك

February 25, 2007 at 8:01 AM  
Blogger Malk Almasria said...

~ Bato0ot ~الجميلة


والله برج السرطان دة الناس كلهم بيشكروا فيه واكيد انتى اكثر رومانسية

ملك

February 25, 2007 at 8:06 AM  
Blogger Malk Almasria said...

Muhammad EL-Ashryالمثقف

والله انت بتشرفنى كل لما بتزور المدونة ويارب بعودة


ملك

February 25, 2007 at 8:07 AM  
Blogger Malk Almasria said...

hebaz غاليتى

انا ياستى تحت النظر بس لسة مفوقتش من التاج الاول وبفكر فى اجابات عن التاجين التانيين



ملك

February 25, 2007 at 8:11 AM  
Blogger Malk Almasria said...

الصديق يا مراكبي

اولا نورت المدونة بزيارتك واية الغيبة الطويلة دى


وبعدين هو كل المحاميين بيتعذبوا كدة من اصحابهم بالتاج على العموم شكر لتمريرك التاج لية وانتظر الاجابات قريبا


ملك

February 25, 2007 at 8:36 AM  
Blogger مـحـمـد مـفـيـد said...

صراحتك رائعه يا ملك

February 25, 2007 at 11:14 AM  
Blogger بيتنا القديم said...

ياريتني بعرف اجامل

ياريتني بعرف ازوق الكلام

ياريتني رومنسي زي فريد شوقي

ياريتني شجيع واكشنجي زي عبد الوهاب

نهايتو

روح يا بنتي

ربنا يكتر من امثالك

عمو سمسم

بخاطرك بقا عشان طالع العشة أكل

الفراخ...ربنا يكفينا شر انفلونزا

الطيور

أطيعة محدش بيكولها بالساهل

سبتك بعافية

February 26, 2007 at 3:33 PM  
Blogger إنسان || Human said...

انا لسه شاري إندومي تخديلك باكت
على فكرة انا دوقتها لكذا واحد كان هايرجع
وجهات نظر

February 27, 2007 at 1:40 AM  
Blogger Unknown said...

اجاباتك حلوه ياملك (:
ربنا يرحم ماما ويسكنها فسيح جناته يارب, ويجعلها جارة الرسول صلي الله عليه وسلم .

February 27, 2007 at 10:27 AM  
Blogger بيتنا القديم said...

علي فكرة يا ملك انا بلا أفية محامي

يعني احنا الإتنين ولاد حارة واحدة

يعني لو رحت المحكمة ان شاء الله(كمحامية

طبعاً) هتلاءيني ملأح قدام سيادة الباشا

المستشار

وعمال انفخ فيه حاكم معظمهم نفافيخ

وتحب النفخ...وياريت في اول قضية ليك

تطلبي فيها زي ما انا عملت...إعدام

موكلك...حتي ولوكان الموضوع نزاع علي

حضانة...بجد بعدها هتشتهري والناس

هطردك...قصدي هتجري وراك...ومش

هتلاحقي علي القضايا

ويجعلو عامر

فتك بعافيه عشان البيه زمانو جاي !!!

February 28, 2007 at 4:04 AM  
Blogger raspoutine said...

ملك احنا عايزينك معانا فى لقاء المدونين التلت ان شاء الله
هوا بيكون كل شهر
وان شاء الله الميعاد الجاى هيبقى الجمعه الجايه لا اللى بعدها
كنت عايز اعرف رأيك يا ملك انتى من الشخصيات اللى يشرفنا انها تكون معانا
وخلاص احنا اختارنا مكان يليق بينا كمدونين والمكان ده داخل دار الاوبرا المصريه يا ريت تفكرى فى الموضوع وتردى عليا


ايمن فاروق

February 28, 2007 at 3:14 PM  
Blogger Malk Almasria said...

raspoutine
يشرفني اكون وحدة من المدونيين بس عايزة اعرف هيبقى
الميعاد الساعة كام بالزبط

مرسي لزوقك

February 28, 2007 at 3:26 PM  
Blogger بيجاسوس المصرى said...

ردودك طبيعية جدا

بس بجد انتوا بتحبوا النوم قوى كده ليه

عن اذنك علشان اروح انام شوية قصدى اروح اذاكر شوية
هههههههههة

تحياتى

February 28, 2007 at 10:43 PM  
Blogger smraa alnil said...

يااااااااه
برضه مش استفدنا حاجة الغموض حوالكي برضه

كل اللي عرفتوا اني برضه بموووت في اندومي

بس في ناس بتقولي ايه العك دة
اختلاف برضه

ملك الميعاد ان شاء الله هيكون ابتداء من الساعه 6
ابقي تعالي بقي لحسن زهقنا اننا نكون انا وياسمين بس اللي في الليلة دي
عايزين اشتراك نسائي اكتر لحسن شكلنا بقي وحش اوي هههههههه

March 1, 2007 at 5:38 AM  
Blogger raspoutine said...

بصى يا ملك الميعاد هيبقى الساعه اربعه عشان فى بنات معانا غيرك
وبصى ده الايميل بتاعى هيبقى اسهل
yamen_4@msn.com

المكان هيبقى فى الاوبرا المصريه فى كوفى شوب اتفقنا معاه هنقعد هناك ولو هتيجى انا هقابل مدونين اصحابنا ميعرفوش المكان انا ممكن اظبط معاكى واقبلك معاهم ونروح سوا لو تحبى
احنا كلنا اخوات

March 1, 2007 at 2:00 PM  
Blogger سلطان الخواطر said...

شكرا يا ملك على الاستجابة
لاصدقائك
ده بيدل على انك فعلا شخصية
طيبه وانا مش عارف
انتى قادرتى تجوبى على الاسئلة
دية ازاى
ونصحتى ليكى انك تبطلى
عصبيه علشان الحياه
مش مستهله عصبية
وعلى النوم جميل جدا

March 2, 2007 at 1:05 PM  
Blogger أجدع واحد في الشارع said...

تاج جميل جدا

على فكرا

انتى ذكية جدا

كلتى حاجات كده بذكاء

March 3, 2007 at 1:38 PM  
Blogger عبدالله المصري said...

السلام عليكم ورحمة الله وبركاته .
الإخوة والأخوات من أبناء مصر الأبرار ,نقدم إليكم المبادرة المصرية للعفو والإصلاح –مبادرة الإخلاص- والتى تمثل طرحا مصريا لاستنهاض مصر يخاطب المخلصين من أبنائها ,ويتطابق مع الإرادة الجمعية للأغلبية المصرية الصامتة وهو ما يجعله الأقدر على تحقيق أهدافه ,نقدمه إليكم آملين فى تأييدكم له ,وسائلين الله عز وجل أن تعود به مصر كما أراد لها أن تكون .
ونرحب بتفاعلكم وآرائكم من خلال زيارة موقع المبادرة : www.mobadrtalekhlas.blogspot.com

March 3, 2007 at 3:51 PM  
Blogger VEЯŎ said...

gamela ya malak

March 4, 2007 at 8:24 AM  
Blogger Music Gates said...

يااااااااااااااه انتي لسه جايلك التاااااج ده انا جالي عليه يجي بتاع 3 كمان ابقي تعالي علشان تاخدي تاجاتيك يلا و مبروك علي الديزاين الجديد و نتمني لكي مشاهده ممتعه

March 6, 2007 at 5:14 AM  
Blogger micheal said...

ملك
فيه لقاء هام للمدونيين يوم الجمعه القادم...يا ريت تنورينا...لمزيد من التفاصيل زوري

http://amyasser.blogspot.com/
تحياتي لكي

March 6, 2007 at 8:39 AM  
Blogger L M A R said...

مساء الخير حبيبتي

وأول حاجة سوري جدا جدا على التاخير في الرد والله منشغل جدا جدا
وكمان مرسي جدا جدا على التاج بإزن الله البوست الجاي حيكون "فضحتي "سورري سووري قصدي تاجي
وماعاش إلاي يكسفك ياستي

:))



تحياتى
.العَبدِالرَحَمن

March 7, 2007 at 6:43 AM  
Blogger chaos said...

http://chaosalways.blogspot.com/2007/03/to-tota.html
plz check it out

March 8, 2007 at 12:45 AM  
Blogger micheal said...

تحياتي لكي و لكل فتاه و امراه في يوم المرأه العالمي مع تمنياتي بتحسن أحوال المرأه في جميع الاقطار العربيه

March 9, 2007 at 7:58 AM  
Blogger أخف دم said...

فين البوستات من زمان يا ملك؟
أنا بس جاى اطمن عليكى..

March 10, 2007 at 4:03 PM  
Blogger hebaz said...

ملوكة الجميلة

feenik ya benti? ya rab tekoni bekhier inshaa Allah

March 19, 2007 at 4:01 AM  
Blogger samvet said...

الناس نايمة ليه
انا مش فاهم حاجه

March 24, 2007 at 1:41 PM  
Blogger smraa alnil said...

ملك انتي فين يا ماما
قلقتيني عليكي
يا بنتي انتي فينك كدة
طمنينا بقي

March 28, 2007 at 3:14 AM  
Blogger elkamhawi said...

هيييييييييييييييييييية اخيراً لقيت ليا حد قريبى من حقوق عين شمس يااااه تصدقى بقالى كتير قوى منزلتش الجامعة إلا قوليلى هى اخبارها اية؟ وانتى فى سنة كام بالظبط

March 28, 2007 at 6:45 PM  
Blogger SomeOne said...

الووووووووووووووووو


انت لسة عايشة
؟؟؟؟؟

March 30, 2007 at 10:04 AM  
Blogger yuri said...

sooory for not being on the blog but am back wish to see u agian and often wish u r fine take care

March 31, 2007 at 8:36 AM  
Blogger yuri said...

heeeeeeeeey come and take the tag from my blogspace :D:D:d yalla awam warini shatrtik :D

March 31, 2007 at 10:35 AM  
Blogger Hamza matar said...

lovely page, blessed,c ya

April 6, 2007 at 7:25 PM  
Blogger Malk Almasria said...

اصدقائي الأعزاء
اعتذر لطول الغيبة
بسبب ظروف السفر
والإمتحانات اعدكم
بلقاء قريب ان شاء الله

ملك المصرية

April 11, 2007 at 8:10 AM  
Blogger مجـلة جــوا نـا said...

الكرم مش علطول عبط
ساعات بنعمل الواجب علينا
مع اللي مايستاهلش
علشان احنا ولاد أصل
تحياتنا يافندم

April 15, 2007 at 10:59 PM  
Blogger S H A H said...

طالما سرطان يبقى لازم تبقى عشرتك حلوة

September 12, 2007 at 11:31 PM  
Anonymous الحمل والامومة said...

شكرا على الموضوع

November 24, 2011 at 12:28 AM  

Post a Comment

Subscribe to Post Comments [Atom]

<< Home