ملك المصريـــة

فتاة عادية عاشت وستعيش لتحب الحياة لا تخشى الا الله وفى نفس الوقت ضعيفة جدا امام من يهواه قلبها لدى احلام ككل البنات ان تحب وتَحب وتكون لها مملكتها وتكون ملكة عليهاوباقى افراد المملكة هن احب الناس الى قلبها الكبير

My Photo
Name:
Location: Cairo, Egypt

انسانة بسيطة وعادية جدا تهوى الفترات التى يتزامن فبها ان تكون فى قمة الرومانسية

Thursday, January 8, 2009

يامنه قصيدة للشاعر المصرى الاصيل عبد الرحمن الابنودى
ارجو ان تستمعوا بها كما اسمتعت بها
والله وشبت يا عبد الرُّحمان ..
عجّزت يا واد .؟
مُسْرَعْ؟
ميتى وكيف؟
عاد اللي يعجّز في بلاده غير اللي يعجز ضيف
.!!
هلكوك النسوان؟
شفتك مرة في التلفزيون
ومرة ..
وروني صورتك في الجورنال قلت :
كبر عبد الرحمان
.!
!أمال انا على كده مت بقى لي ميت حول.!!
والله خايفة يا وليدي القعدة لتطول.
مات الشيخ محمود
وماتت فاطنة ابْ قنديل
واتباع كرم ابْو غبّان اونا لسة حية..
وباين حاحيا كمان وكمان.
عشت كتير.
عشت لحد ماشفتك عجّزت يا عبد الرحمان
.
وقالولي قال خَلَّفت وانت عجوز
خلَّفت يا اخوي؟؟
وبنات؟..
!!أمال كنت بتعمل إيه طيلة العمر اللي فات؟
دلوقت مافقت؟
وجايبهم دِلْوكْ تعمل بيهم إيه؟
على كلٍّ..
أهي ريحة من ريحتك ع الأرض يونسُّوا بعض.
ماشي يا عبد الرحمان
.
أهو عشنا وطلنا منك بصة وشمة.
دلوك بس ما فكرت ف يامنة
وقلت: يا عمة؟؟
حبيبي انت يا عبد الرحمان والله حبيبي ..
وتتحب
.
على قد ماسارقاك الغربة لكن ليك قلب.
مش زي ولاد الكلب
اللي نسيونا زمان
حلوة مرتك وعويْلاتك والاّ شبهنا..؟
سميتهم إيه؟
قالولي : آية ونور.
ماعارفشي تجيب لك حتة واد؟
والاّ أقولك :
يعني اللي جبناهم..
نفعونا في الدنيا بإيه؟
غيرشي الانسان مغرور
.!
!ولسه يامنة حاتعيش وحاتلبس
لمّا جايب لي قطيفة وكستور؟
كنت اديتهمني فلوس اشتري للركبه دهان.
آ..با..ي ما مجلّع قوي يا عبد الرحمان
.
طب ده انا ليّا ستّ سنين مزروعة في ظهر الباب
لم طلّوا علينا أحبة ولا أغراب.
خليهم..
ينفعواأعملهم أكفان
.
!!كرمش وشي؟
فاكر يامنة وفاكر الوش؟
إوعى تصدقها الدنيا..
غش ف غش.!!
إذا جاك الموت يا وليدي
موت على طول.
اللي اتخطفوا فضلوا أحباب
صاحيين في القلب
كإن ماحدش غاب.
واللي ماتوا حتة حتة
ونشفوا وهم حيين..
حتى سلامو عليكم مش بتعدي من بره الأعتاب
أول مايجيك الموت .. ا
افتح.أ
اول ماينادي عليك ..
إجلح.
إنت الكسبان.
إوعى تحسبها حساب
.
!!بلا واد ..
بلا بت.
.ده زمن يوم مايصدق ..
كداب.!
!سيبها لهم بالحال والمال
وانفد إوعى تبص وراك.ا
لورث تراب وحيطان
الأيام طين
وعيالك بيك مش بيك عايشين
..
!!يو.....ه يا رمان..
مشوار طولان واللي يطوِّله يوم
عن يومه يا حبيبي ..
حمارالدوا عاوزاه لوجيعة الركبة
مش لطوالة العمر
.إوعى تصدق ألوانها صفر وحمر.
مش كنت جميلة يا واد؟
مش كنت وكنت
وجَدَعَة تخاف مني الرجال ..
؟لكن فين شفتوني ..؟
كنتوا عيال
.!!
بناتي رضية ونجية ماتوا وراحوا
وأنا اللي قعدت
.طيِّب يا زمان..!
!إإوعى تعيش يوم واحد بعد عيالك
إوعى يا عبد الرحمان
.
في الدنيا أوجاع وهموم أشكال والوان.
الناس مابتعرفهاش.
أوعرهم لو حتعيش
بعد عيالك ماتموت.
ساعتها بس ..
حاتعرف إيه هوّه الموت.!
!أول مايجي لك ..
نط
لسه بتحكي
لهم بحرى حكاية فاطنة وحراجي القط..؟
آ.. باي ماكنت شقي وعفريت
من دون كل الولدات.
كنت مخالف..
برّاوي..
وكنت مخبي في عينيك السحر
اويتمللي حاجات.
زي الحداية ..
تخوي ع الحاجة ..
وتطير .
من صغرك بضوافر واعرة ..
ومناقير
.
بس ماكنتش كداب.
وآديني استنيت في الدنيالما شعرك شاب..!!
قِدِم البيت.
اتهدت قبله بيوت وبيوت.
وأصيل هوه..
مستنيني لما أموت
..
!!حاتيجي العيد الجاي؟
واذا جيت حاتجيني لجاي؟
وحتشرب مع يامنة الشاي .؟؟
حاجي ياعمة وجيت..
لالقيت يامنة ولا البيت ..!!
ملك المصرية

7 Comments:

Blogger ليـــالي said...

الله علييك يا شاعر يا كبيييير

جمييلة اووووووي

-----------------------
إذا جاك الموت يا وليدي
موت على طول.
اللي اتخطفوا فضلوا أحباب
صاحيين في القلب
كإن ماحدش غاب.
واللي ماتوا حتة حتة
ونشفوا وهم حيين..
حتى سلامو عليكم مش بتعدي من بره الأعتاب



وجعتني اووي الحتة دي وحسستني باحساس الناس الكبار واللي يببقوا فيه لما يعَجـِّزوا ويـِعجَزوا عن انهم يغيروا حالهم



بجد عجبتني اوي :)

January 9, 2009 at 11:07 AM  
Blogger كلاكيت تانى وتانى said...

ارجو نشر الايفنت لديك على مدونتك والدعوة لحضور الحفل بين كل المدونين وذلك لتأييد المدونات المشاركات فالحدث ويشرفنا حضورك
حفل توقيع العدد الثالث من سلسلة مدونات مصرية للجيب
كتاب "أنا انثى " ..لمجموعة من المدونات النساء

أول كتاب يناقش اهتمامات المرأة بقلم مجموعة من النساء ويطرح القضايا للنقاش

ضيفة شرف الحفل ..(غادة عبد العال ) صاحبة مدونة ..عاوزة أتجوز..والتي صدر لها كتاب بنفس العنوان عن دار الشروق

ومن المشاركات في كتاب ..أنا أنثى
نوارة نجم
اسر ياسر
ايناس لطفى
نرمين البحطيطى
شمس الدين
د . رشا عبد الرازق
بيلا شريف
مكسوفة
بسمة عبد الباسط
مريم الغنيمى
إيمان نادى
زهراء امير بسام
آية الفقى
مروة السيد
أميرة محمد محمد محمد
فاتيما
مذكرات عانس
نرمين البحطيطى
سلمى أنور
انجى سمراء النيل
سارة ابراهيم على
سمر مجدى
مروة النجار
شيماء حسن
نسرين عبد النعيم
د.مرام محمود
ايناس لطفى
نجلاء الشربينى
محاسن

يصاحب الحفل عرض فيلم قصير و==================================
المكان
المركز الثقافى الدولى
17 ش السد العالى ميدان فينى الدقى
الشارع المقابل لشيراتون الجزيرة
اقرب محطة مترو انفاق محطة الاوبرا
الزمان
يوم 3 مارس الساعه 4.30 عصرا

February 22, 2009 at 3:12 AM  
Anonymous Anonymous said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣.
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

March 11, 2009 at 10:51 PM  
Blogger darsh said...

أنا شايف ان القصيدة دي من أهم القصايد اللي كتبها الأبنودي، لأنها من النصوص الإنسانية جداً.. والحالة دي بيعيشها ناس كتير فعلاً وبتبقي صعبه قوي ان حد يوصل لمرحلة انه مستني الموت

June 21, 2009 at 12:54 AM  
Blogger ابوعدي للتسوق said...

شركة مكافحة حشرات بالدمام
شركة كشف تسربات المياة بالدمام
شركة تنظيف مجالس بالدمام
شركة تنظيف سجاد بالدمام
شركة تسليك مجاري بالدمام
شركة المثالية للتنظيف بالقطيف
شركة المثالية للتنظيف بالجبيل

November 23, 2018 at 4:58 AM  
Blogger المثالي اون لاين said...




شركة تنظيف بالدمام
شركة تنظيف منازل بالدمام
شركة تنظيف فلل بالدمام
شركة تنظيف شقق بالدمام
شركة تنظيف مجالس بالدمام
شركة تنظيف موكيت بالدمام
شركة تنظيف سجاد بالدمام
شركة عزل اسطح بالدمام

شركة الصفرات لتنظيف المنازل





November 24, 2018 at 3:50 PM  
Blogger المثالي اون لاين said...




شركة تنظيف بالرياض
شركة تنظيف منازل بالرياض
شركة تنظيف خزانات المياة بالرياض
شركة نقل اثاث بالرياض

شركة تخزين اثاث بالرياض
شركة كشف تسربات المياة بالرياض
شركة مكافحة حشرات بالرياض
شركة مكافحة النمل الابيض بالرياض
شركة رش مبيدات بالرياض
شركة جلي بلاط بالرياض



November 24, 2018 at 3:51 PM  

Post a Comment

Subscribe to Post Comments [Atom]

<< Home